ആകാശത്തൂടെ പോയ വെള്ളിടി ഏണി വെച്ചു കേറി തലയ്ക്കു പിടിച്ചു അടിപ്പിച്ച അവസ്ഥയാ ഇപ്പോ കേരളത്തിലെ ഇടതു പക്ഷത്തിന്റെ . സുപ്രീം കോടതിക്കും അവരെ കണ്ണുരുട്ടി പേടിപ്പിച്ചു നിർത്തുന്ന ബിജെപി ക്കും എതിരെ തിരിയുമായിരുന്ന ജനരോഷത്തെ ഞങ്ങൾക്ക് തന്നെ വേണം എന്ന് പറഞ്ഞു പിടിച്ചു വാങ്ങുകയായിരുന്നു കേരള രാജാവും കൂട്ടരും.
സുപ്രീം കോടതി വിധി പറഞ്ഞു വിധി പകർപ്പ് പുറത്താകുന്നതിനു മുൻപേ ഇവിടെ പോലീസിനെ കാവല് നിർത്താനും ഈ വിധിയുടെ മൊത്തം ക്രെഡിറ്റും തങ്ങൾക്കു കിട്ടാൻ ശബരിമലയിൽ സൗകര്യങ്ങൾ ഉണ്ടാകാനും തുടങ്ങി.( ഈ സൗകര്യങ്ങൾ ഒക്കെ ചെയ്യാനുള്ള പണം ദുരിതാശ്വാസ നിധിയിൽ നിന്ന് തന്നെ ആകും അല്ലെ. ???). ഇതിനൊക്കെ വേണ്ടി വരുന്ന ചെലവ് പ്രളയ ദുരിതം അനുഭവിക്കുന്ന പാവങ്ങൾക്കല്ലേ ആദ്യം കൊടുക്കേണ്ടത്.
പ്രളയം വന്നപ്പോ പ്രതീക്ഷിക്കാതെ കിട്ടിയ കുറച്ചു mileage കാരണം എന്നെപോലെ ഉള്ള കോൺഗ്രെസ്സുകാർക്കും കുറച്ചു ബഹുമാനം ഒക്കെ തോന്നിയതായിരുന്നു. ഇപ്പൊ അതും പോയി കിട്ടി.പ്രെളയം കാരണം ജനങ്ങൾ ഒരുപാട് കഷ്ടപ്പെട്ടെങ്കിലും അതിലൂടെ മുഖ്യന് കിട്ടിയ ജനസമ്മിതി ഒറ്റ ദിവസം കൊണ്ട് അല്ലെ കളഞ്ഞു കുളിച്ചത്. ഉത്തരത്തിൽ ഇരുന്ന ക്രെഡിറ്റ് കിട്ടിയതുമില്ല കക്ഷത്തിൽ ഇരുന്ന ജനസമ്മിതി പോകുകേം ചെയ്തു. .
ഇനിയിപ്പോ ചെയ്യാവുന്നത് ഒന്നേ ഉള്ളു.ജനഹിതം മനസിലാക്കി സ്വമേധയാ ഒരു റിവ്യൂ ഹർജി കൊടുത്തു മുഖം രക്ഷിക്കുക.
ഇത് വരെ ഉള്ള കണക്കെടുത്താൽ കേരളത്തിൽ ബിജെപി യെ വളർത്തുന്നത് സിപിഎം കാർ തന്നെ ആണെന്ന് നമുക് പറയേണ്ടി വരും.ഒരു തരത്തിൽ അല്ലെങ്കിൽ മറ്റൊരു തരത്തിൽ സിപിഎം കാരുടെ ജനദ്രോഹ നടപടികളിൽ പെട്ടിട്ടുള്ള ആളുകൾ ആയിരിക്കും ഇപ്പൊ ബിജെപി കോടി പിടിക്കുന്ന ബഹു ഭൂരിപക്ഷം ആൾക്കാരും .
ഇപ്പോളത്തെ നമ്മുടെ ഒരു നാട്ടു നടപ്പു അനുസരിച്ചു കാവി ഉടുത്തവൻ സംഘി,ദേശീയഗാനം പാടുന്നവർ സംഘി ,ഭാരത് മാതാ കീ ജയ് എന്ന് വിളിച്ചാലും സംഘി , ഈ കൂട്ടത്തിൽ ഹിന്ദു എന്ന് പറഞ്ഞാലും സംഘി എന്ന ഒരു പട്ടം കൂടി ശബരിമല വിഷയത്തിൽ സിപിഎം വകയായി അവർക്കു കിട്ടി.
ശബരിമല വിഷയത്തിലും പ്രളയ ദുരിതാശ്വാസം വിതരണം ചെയ്യുന്ന വകയിലും ചെറുതല്ലാത്ത കുറെ വോട്ടുകൾ സിപിഎംനു ഉറപ്പായിട്ടും നഷ്ടപ്പെട്ടിരിക്കും അടുത്ത ഇലക്ഷനിൽ .
No comments:
Post a Comment